Ümumdünya Psixi Sağlamlıq Günü qeyd edildi
10 oktyabr tarixində məktəbin psixoloqu Sürayə Bayramovanın təşkilatçılığı ilə Ümumdünya Psixi Sağlamlıq Günü qeyd edildi. 9“v” sinif şagirdləri ilə birlikdə məktəbin psixoloqu Sürayə Bayramova psixologiya elminin tarixinə ekskursiya edərək, Azərbaycanın tanınmış alim-psixoloqları Fuad İbrahimbəyov, Muxtar Həmzəyev, Əkbər Bayramov və digər nümayəndələri haqqında məlumatlar verdilər. Şagirdlər psixologiyanın predmeti və obyekti haqqında çıxışlar etdilər. Onlar psixologiya elminin insanların fərdi psixoloji xüsusiyyətlərində, şəxsi keyfiyyətlərində, fəaliyyət və ünsiyyət prosesində formalaşdırması və ətraf aləmi dərk etməsində rol oynadığı barədə geniş məlumatlar verərək, ətraflı müzakirələr apardılar.
