MƏZUNUMUZ QIZIL MEDALLA TƏLTİF OLUNDU
Təhsil naziri Ceyhun Bayramovun əmrinə əsasən, bu il Bakı şəhər ümumitəhsil müəssisələrinin 14 məzunu qızıl medal ilə təltif olundu. 2018-2019 cu tədris ilində məktəbin XI (on birinci) sinfini bitirmiş, X və XI siniflərdə illik qiymətləri 5 (beş) olan, X sinifdə oxuyarkən Fənn Olimpiadalarının Respublika turunda Azərbaycan dili və ədəbiyyat fənni üzrə III yer tutmuş və bürünc medalla təltif olunmuş Aslanzadə Kəmalə Elşən qızı tam orta təhsil haqqında xüsusi nümunəli attestata və qızıl medala layiq görüldü. Kəmalə qazandığı bu uğura, mükafata görə çox sevindiyini və əməyi olan hər kəsə təşəkkürünü bildirdi. Məktəb rəhbərliyi adınan məzunumuzu təbrik edir, həyat yollarında uğurlar arzu edirik.
