Beynəlxalq Müəllimlər Günü münasibəti ilə müəllimlərin və 600-dən yuxarı bal toplamış məzunların mükafatlandırma tədbiri keçirildi
04 oktyabr 2018-ci il tarixində Qaradağ rayonu Lökbatan qəsəbəsi, Heydər Əliyev Mərkəzində Beynəlxalq Müəllimlər Günü və 2017-2018-ci tədris ilində ali məktəblərə qəbul imtahanlarında 600-dən yuxarı bal toplamış məzunların mükafatlandırma tədbiri keçirildi. Tədbirdə Qaradağ Rayon İcra Hakimiyyətinin başçısı Süleyman Mikayılov, Milli Məclisin deputatı, YAP Qaradağ rayon təşkilatının sədri Aydın Hüseynov, məktəb direktorları, ali məktəblərə qəbul imtahanlarında 600-dən yuxarı bal toplamış məzunlar iştirak edirdi. Rayon İcra hakimiyyətinin başçısı cənab Süleyman Mikayılov bu il Qaradağ rayonunun əldə etdiyi yüksək nəticəni xüsusi vurğulayaraq bildirdi ki, ötən illərlə müqayisədə ali məktəblərə daxil olan məzunlarımızın nəticələri yüksəkdir. Qaradağ rayonu üzrə orta məktəbi 1257 nəfərin bitirdiyini, onlardan 42 nəfərin isə 600-dən çox bal topladıqları tədbir iştirakçılarının diqqətinə çatdırıldı.Tədbirin sonunda məktəbimizin ali məktəblərə 600-dən çox bal toplamış 4 nəfər məzunu və məktəbimizin Təlim-tərbiyə işləri üzrə direktor müavini Jalə Qədirova Qaradağ Rayon İcra Hakimiyyətinin Fəxri fərmanı və qiymətli hədiyyələr ilə təltif edildilər.
