Məktəb seminarları
Bakı Şəhəri üzrə Təhsil İdarəsi tərəfindən “Təhsili dəyərə çevirək” devizi altında reallaşdırılan “Məktəb seminarları:İlin yekunları və perspektivlər” mövzusunda “Dəyirmi masa”lara start verildi. İlk “Dəyirmi masa” Qaradağ rayonlarının ümumi təhsil müəssisələrinin iştirakı ilə 288 nömrəli tam orta məktəbdə keçirildi.“Dəyirmi masa”da Bakı Şəhəri üzrə Təhsil İdarəsinin müdiri Məhəbbət Vəliyeva, BŞTİ-nin müvafiq struktur bölmə rəhbərləri, Təlimə Dəstək Mərkəzinin nümayəndələri, məktəb direktorları, təlim-tərbiyə və təşkilati işlər üzrə direktor müavinləri, psixoloqlar, kitabxanaçılar, uşaq birliyi rəhbərləri iştirak etdi.
