MƏKTƏBDƏ “SON ZƏNG” TƏDBİRİ KEÇİRİLDİ
İyunun 14-də məktəbdə "Son zəng" tədbiri keçirildi. Tədbirdə məktəbimizin şəhid məzunlarının valideynləri ,Qaradağ Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Səmayə Şıxəliyeva və Qaradağ Rayon Veteranlar Şurasının sədr müavini, Əfqanıstan və Qarabağ müharibələrinin veteranı Paşa Məmmədov iştirak etdilər. Dövlət himnimizin səslənməsi ilə başlanan tədbiri açıq elan edən məktəbin direktoru Aygün Hüseynova müstəqil həyata qədəm qoyan məzunlara gələcək həyat yolunda uğurlar arzuladı. Tədbirdə valideynlər və məktəbə dəvət olunan qonaqlar üçün əyləncəli proqramlar təşkil olundu. Bir daha məzunlarımızı təbrik edir, onlara Ulu Öndərimizin bizlərə miras qoyduğu müasir Azərbaycanımızda müvəffəqiyyətlər arzu edirik.
