"Ailəm və məktəbim" layihəsi çərçivəsində valideynlər məktəblə yaxından tanış olurlar
Bakı Şəhəri üzrə Təhsil İdarəsinin 18 aprel 2023-cü il tarixli, № 3-29-59/3-2-170F/2023 nömrəli əmrinin icrasını təmin etmək məqsədilə məktəbdə "Ailəm və məktəbim" layihəsi əmrə əlavə olunmuş Tədbirlər Planına uyğun həyata keçirilməkdədir. Ailə-məktəb münasibətlərinin sağlam pedaqoji, psixoloji əsaslar üzərində, qarşılıqlı hörmət və əməkdaşlıq əsasında qurulması, şagirdlərin bilik və bacarıqlarının inkişaf etdirilməsi məqsədilə valideynlərlə məktəbdə görüşlər təşkil olunur. Görüşlərdə məktəb rəhbərliyi,müəllimlər tərəfindən "Ailəm və məktəbim" layihəsi haqqında məlumat verilir, valideynlərə dərs prosesinin izlənməsi, şagirdlərin nailiyyətləri, dərsə davamiyyətləri, intellektual səviyyəsinin yüksəldilməsi yolu ilə şagirdlərin dünyagörüşlərinin təkmilləşdirilməsi, yeniyetmələrlə düzgün ünsiyyət, şagirdlərdə peşəyönümü işinin təşkili ilə bağlı söhbətlər aparılır.