"8 Mart - Beynəlxalq Qadınlar günü" münasibəti ilə təltif olundu
Martın 7-də "8 Mart - Beynəlxalq Qadınlar günü" münasibəti ilə Qaradağ rayon Lökbatan qəsəbəsində yerləşən Heydər Əliyev Mərkəzində Qaradağ Rayon İcra Hakimiyyəti tərəfindən rayonun ictimai-siyasi həyatında yaxından iştirak etmiş, əməkdə fərqlənmiş qadınlarla görüş keçirildi. Görüşdə Qaradağ Rayon İcra Hakimiyyətinin başçısı Süleyman Mikayılov, Milli məclisin deputatları Aydın Hüseynov və Səbinə Xasayeva, YAP Qaradağ rayon təşkilatının sədri Qafar Əliyev və rayonun hüquq mühafizə orqanlarının rəhbərləri və Rayon İcra Hakimiyyətinin məsul əməkdaşları iştirak etmişdir. Tədbirin sonunda Qaradağ Rayon İcra Hakimiyyəti başçısı Süleyman Mikayılov tərəfindən rayonun ictimai-siyasi həyatında öz fəallığı ilə fərqlənən xanımlar fəxri fərmanlar və dəyərli hədiyyələr ilə mükafatlandılar.
