"Unutsaq unudularıq" başlığı altında müharibə qazisi ilə görüş keçirildi
Dekabrın 27-də məktəbdə tarix müəllimi Sultan Bayramovanın təşkilatçılığı ilə "Unutsaq unudularıq" başlığı altında Qarabağ müharibəsi qazisi Sarıyev Hafiz Məcnun oğlu ilə 6 “e” sinif şagirdlərinin görüşü keçirildi. Görüş zamanı qonaq öz döyüş təəssüratlarını uşaqlarla bölüşdü, onları maraqlandıran sualları cavablandırdı. Məktəbin direktoru Taleh Quliyev görüşün, belə söhbətlərin şagirdlərin vətənpərvərlik tərbiyəsində mühüm təsiri olduğunu qeyd etdi. Tədbirin sonunda müharibə iştirakçısı ilə şagirdlər xatirə şəkli çəkdirdilər.
