Şagirdlərdə tədqiqatçılıq bacarığının formalaşdırılması və onların araşdırma tələb edən layihələrə cəlb olunması istiqamətində "Dəyirmi masa" keçirildi
Dekabrın 25-də şagirdlərdə tədqiqatçılıq bacarığının formalaşdırılması və onların araşdırma tələb edən layihələrə cəlb olunması istiqamətində “Kiçik Akademiya” rəhbəri Gülnarə Məmmədovanın təşkilatçılığı,məktəb rəhbərliyinin iştirakı ilə “Dəyirmi masa” keçirildi. Əsas istiqamət şagirdlərin tədqiqat aparması müasir dərsin ən böyük üstünlüklərindən biri olmaqla bərabər, həm də onların axtarıcılıq və tədqiqatçılıq bacarıqlarını inkişaf etdirmək, müasir dövrdə şagirdlərin potensialını düzgün qiymətləndirmək və onları gələcək uğurlara stimullaşdırmaq, “Kiçik Akademiya” nın fəaliyyətinin izlənməsidir. Daha sonra Gülnarə müəllim şagirdlərin tədqiqatçılıq bacarıqlarının formalaşmasına kömək edən yollar və vasitələr haqqında çıxış etdi.
