20 yanvar - tariximizin qəhrəmanlıq və şərəf səhifəsi
Ölkəmizə qarşı ərazi iddiaları irəli sürən Ermənistanın təcavüzkarlıq siyasəti və keçmiş SSRİ rəhbərliyinin onlara himayədarlığına öz qəti etirazını bildirən geniş xalq kütlələrinə qarşı sovet ordusunun xüsusi təlim keçmiş hissələrindən istifadə olunması 1990-cı ilin 20 yanvarında qanlı faciəyə gətirib çıxardı. 20 yanvar - tariximizin qəhrəmanlıq və şərəf səhifəsidir. Bu tarixi hadisənin ildönümü ilə əlaqadar olaraq ibtidai sinif müəllimi Reyhan Rəhimova rəhbərlik etdiyi 2q sinif şagirdləri ilə birgə “20 Yanvar- Qanlı Yanvar" adlı tədbir hazırladı. Bu tədbir vasitəsilə şagirdlərimiz tariximizin qəhrəmanlıq və şərəf səhifəsini vərəqləmiş oldular. Tədbirdə məktəbin müəllim və şagirdləri ilə yanaşı məktəblinin dostları da iştirak edirdi. 
