"İnsan Hüquqları" aylığına həsr olunmuş tədbir keçirildi
Bildiyimiz kimi, Azərbaycan Respublikası Prezidenti cənab İlham Əliyevin 18 iyun 2007-ci il tarixli Sərəncamı ilə hər il 18 iyun tarixində “İnsan Hüquqları Günü” kimi qeyd olunur. Bununla əlaqədar, ənənəvi olaraq bu il də Azərbaycan Respublikasının İnsan Hüquqları üzrə Müvəkkilinin təşəbbüsü ilə mayın 18-dən iyunun 18-dək respublikamızda “İnsan Hüquqları aylığı” elan edilmişdir. Təhsil müəssisəsində pedaqoji və şagird kollektivinin bu barədə məlumatlandırılması, aylıq çərçivəsində insan hüquqlarını, hüquq bərabərliyi üzərində qurulmuş multikulturalizm dəyərlərini təbliğ edən mövzulara aid tədbirlərin təşkil edilməsi, Azərbaycanda 2024-cü ilin “Yaşıl dünya naminə həmrəylik ili” elan edilməsi və BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) təşkilindən irəli gələn mövzulara üstünlük verilməsi nəzərdə tutulmuşdur. İyunun 12-də Uşaq hüquqlarının təbliği məqsədilə və “İnsan Hüquqları aylığı” çərçivəsində "İnsan hüquqları" aylığına həsr olunmuş seminar keçirildi.
