Azərbaycan dili və ədəbiyyat aylığı çərçivəsindən nümunəvi dərslər keçirilir
Məktəbin illik fəaliyyət planının 1.1.1.8-ci bəndinə uyğun olaraq şagirlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Fevral ayı məktəbdə Azərbaycan dili və ədəbiyyat aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdu. Aylığın tədbirlər planına uyğun olaraq qarşılıqlı dərs dinləmələr və dinlənilmiş dərslərin təhlili və təcrübə mübadiləsinin təşkili məqsədilə məktəbin direktoru N.Quliyevin ədəbiyyat fənnindən "ƏLİ KƏRİMİN “QAYTAR ANA BORCUNU” ŞERİNİN MƏZMUNU ÜZƏRİNDƏ İŞ" mövzusunda nümunəvi dərsi oldu.
