Azərbaycan dili və ədəbiyyat aylığı çərçivəsində "Ana dilim, yaşa dilim" ədəbi - bədii kompozisiya keçirildi
Məktəbin illik fəaliyyət planının 1.1.1.8-ci bəndinə uyğun olaraq şagirlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Fevral ayı məktəbdə Azərbaycan dili və ədəbiyyat aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdu. Aylığın tədbirlər planına uyğun olaraq fevralın 21-də məktəbin Azərbaycan dili və ədəbiyyat müəllimləri Məsmə Abdullayeva və Gülay Abdurəhimova sinif şagirdləri ilə birlikdə Dövlət dilinin təbliği məqsədilə 21 fevral - Beynəlxalq Ana Dili Gününə həsr olunmuş "Ana dilim, yaşa dilim" ədəbi -bədii kompozisiya keçirdilər.
