STEAM Azərbaycan Festivalı (SAF) 2023 müsabiqəsinin qalibləri ilə görüş keçirildi
Dekabrın 13-də Elm və Təhsil Nazirliyinin dəstəyi ilə Bakı Ekspo Mərkəzində keçirilən Beynəlxalq STEAM Azərbaycan Festivalı 2023-ün qalibləri və iştirakçıları ilə görüş keçirildi.
Məktəbimizin 9 komandası Beynəlxalq STEAM Azərbaycan Festivalı 2023 -də iştirak edir. STEAM müəllimi Esmira Hüseynovanın rəhbərliyi ilə Robokids kateqoriyası üzrə "Wolves" komandası, FIRST LEGO League Explore (Off-Season) kateqotiyası üzrə "Surxanı 280" komandası, VidX kateqoriyası üzrə "Elvin Əlimov" və "Xarıbülbül" komandaları, FIRST LEGO League Challenge (Off-Season) kateqoriyası üzrə "Karabagh eagle", Ambulance", "Soldiers of Karabagh", "Şəhid Qasim" və "Baku Storm" komandaları final mərhələsində iştirak ediblər.
Bu komandalardan "Suraxanı 280" 1-ci yer, "Elvin Əlimov" 2-ci yer, "Xarıbülbül", "Ambulance" və "Wolves" komandaları 3-cü yer tutmuşdular.
Bütün iştirak edən şagirdlər və onların müəllimləri Sertifikat və Təşəkkürnamə ilə təltif edildilər.
Qeyd edək ki, Beynəlxalq STEAM Azərbaycan Festivalında iştirak üçün ümumilikdə 4 795 nəfər qeydiyyatdan keçib. Onlardan 4 459 nəfəri yerli, 336 nəfəri isə xarici iştirakçıdır. Bakı şəhəri üzrə 250-yə yaxın məktəbli 116 layihə ilə festivala qatılmışdı.
