“Heydər Əliyev İli”nə həsr olunmuş "Şən startlar" estafet yarışı keçirildi
Azərbaycan Respublikası Prezidentinin Sərəncamı ilə ölkəmizdə 2023-cü il “Heydər Əliyev İli” elan edilmişdi. Bununla bağlı həyata keçiriləcək tədbirlərə dair Bakı Şəhəri üzrə Təhsil İdarəsinin əmrinə müvafiq olaraq məktəb üzrə Tədbirlər Planı hazırlanmışdı. Tədbir planına əsasən, məktəbdə “Heydər Əliyev İli” ilə bağlı forum, konfrans, simpozium, “Dəyirmi masa”, “Açıq dərs” və seminarların, müxtəlif müsabiqələrin, sərgi və festivalların, elm və mədəniyyət xadimlərinin, təhsil işçilərinin, tanınmış ziyalıların iştirakı ilə tədbirlərin keçirilməsi nəzərdə tutulub.
Noyabrın 30 - da xüsusi istedadı olan şagirdlərin aşkara çıxarılması və onlarla işin təşkili, onların olimpiadalarda, yerli və beynəxalq layihələrdə, müxtəlif yarışlarda uğurlu iştirakının təmin edilməsi məqsədilə 6-cı sinif şagirdləri arasında “Heydər Əliyev İli”nə həsr olunmuş "Şən startlar" estafet yarışı keçirildi.
