Məzunlarımıza fərqlənmə attestatları təqdim edildi
Ümumi təhsil pilləsində təhsil haqqında dövlət sənədlərinin nümunələri və onların verilməsi qaydasının 5.1-ci bəndinə müvafiq olaraq iyulun 17-də məktəbin 9-cu sinfini bitirən məzunlara təntənəli surətdə ümumi orta təhsil haqqında fərqlənmə attestatları təqdim olundu. Bütün məzunlarımızı təbrik edir və onlara uğurlar arzu edirik.
Qeyd edək ki, ümumi orta təhsil haqqında və tam orta təhsil haqqında fərqlənmə attestatları ümumi orta və ya tam orta təhsil səviyyəsində oxuduğu müddətdə bütün fənlərdən attestata yazılan illik (yekun) qiymətləri 5 (beş) olan və buraxılış imtahanlarında hər bir fənn üzrə 75-dən (yetmiş beş) yuxarı bal toplayan məzunlara verilir.
