31 mart Azərbaycanlıların soyqırım gününə həsr olunmuş dəyirmi masa keçirildi
Məktəbin Fəaliyyət planının 1.3.16-cı bəndinə uyğun olaraq şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği və ümumxalq hüzn günlərinə həsr olunmuş tədbirlərin keçirilməsi məqsədilə "31 mart Azərbaycanlıların soyqırım gününün keçirilməsi" barədə məktəb üzrə əmrlə Tədbirlər planı hazırlanıb təsdiq edilmişdir. Tədbirlər planına uyğun olaraq martın 31-də məktəbin Azərbaycan dili və ədəbiyyat müəllimi Rafiq Bayramovun təşkilatçılığı ilə 31 mart Azərbaycanlıların soyqırım gününə həsr olunmuş dəyirmi masa keçirildi. Tədbir zamanı müxtəlif təqdimatlarla çıxış edən şagirdlər sonda mart qırğınlarına həsr olunmuş “Hökm” filmini izlədilər.
