Heydər Əliyev Mərkəzinə ekskursiya
Azərbaycan Respublikası Prezidentinin Sərəncamı ilə ölkəmizdə 2023-cü il “Heydər Əliyev İli” elan edilmişdi. Bununla bağlı həyata keçiriləcək tədbirlərə dair Bakı Şəhəri üzrə Təhsil İdarəsinin əmrinə müvafiq olaraq məktəb üzrə Tədbirlər Planı hazırlanmışdı. Tədbir planına əsasən, məktəbdə “Heydər Əliyev İli” ilə bağlı forum, konfrans, simpozium, “Dəyirmi masa”, “Açıq dərs” və seminarların, müxtəlif müsabiqələrin, sərgi və festivalların, elm və mədəniyyət xadimlərinin, təhsil işçilərinin, tanınmış ziyalıların iştirakı ilə tədbirlərin keçirilməsi nəzərdə tutulub. Martın 7-də məktəbin tarix müəllimi Nuriyyə Cəbrayılova 7"C" sinfi ilə birlikdə Heydər Əliyev Mərkəzinə ekskursiya etdilər. Azərbaycan gəncliyi, elm və təhsilin hər zaman dəstəkliyicisi olan Ulu öndərin həyat və fəaliyyət illəri haqqında maraqlı məlumatlar topladılar.
