"İdman həftəsi" layihəsi çərçivəsində idmançılarla görüş keçirildi
Elm və Təhsil Nazirliyi təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyalarının dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində davamlı və məqsədyönlü işlər aparır. Buna müvafiq, şagirdlərin idmana olan marağının artırılması, sağlam həyat tərzinin təbliği məqsədilə “5 mart - Bədən Tərbiyəsi və İdman Günü” ərəfəsində 27 fevral – 3 mart 2023-cü il tarixində ümumtəhsil müəssisələrində idman həftəsi keçirilir. Layihə çərçivəsində məktəblilərin iştirakı ilə gündəlik gimnastik hərəkətlər, maarifləndirmə, müsabiqələr, yarışlar, görüşlər, mükafatlandırma və digər tədbirlərin təşkili nəzərdə tutulur. "İdman həftəsi" layihəsinin proqramına uyğun olaraq fevralın 28-də idman nailiyyətləri olan idmançılarla görüş keçirildir. Görüşdə məktəbin məzunu olmuş Yunan-Roma güləşi üzrə dünya çempionatında 3-cü, Dünya kubokunda 2-ci yer qazanmış Arif Niftullayev və 2016-cı ildə XV Yay Paralimpiya Oyunlarında gümüş medal qazanmış cüdo üzrə dünya və Avropa çempionu Bayram Mustafayev iştirak edirdilər. Onlar qazandıqları uğurlar haqqında danışaraq şagirdlərin suallarını cavablandırdılar.
