Cek Londonun "Həyat eşqi" hekayəsinin müzakirəsi aparıldı
Məktəbin illik fəaliyyət planının 1.1.1.8-ci bəndinə uyğun olaraq şagirlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Fevral ayı məktəbdə Azərbaycan dili və ədəbiyyat aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdu. Aylığın tədbirlər planına uyğun olaraq fevralın 22-də məktəbin Azərbaycan dili və ədəbiyyat müəllimi Ülkər Abbasova 8"Ə" sinfində Cek Londonun "Həyat eşqi" hekayəsinin müzakirəsi mövzusunda nümunəvi dərs keçdi. Dərsdə məktəb rəhbərliyi və metodbirləşmə sədri iştirak edirdilər. Sonda dərsin müzakirəsi aparıldı.
