Riyaziyyat fənnindən əyləncəli bilik yarışı keçirildi
Məktəbin illik fəaliyyət planının 1.1.1.8-ci bəndinə uyğun olaraq şagirlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. Dekabr ayı məktəbdə riyaziyyat və informatika aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdu. Aylığın tədbirlər planına uyğun olaraq dekabrın 22-də məktəbin riyaziyyat müəllimləri Samirə Səlimova və Ülkər Heydərlinin təşkilatçılığı ilə 6-cı sinif şagirdlərinin iştirakı ilə riyaziyyat fənnindən əyləncəli bilik yarışı keçirildi. 11 komanda arasında keçirilən yarışda "Qarabağ şahinləri" 1-ci yer, "Dəmir yumruq" 2-ci yer və "Mübariz" komandası 3-cü yer qazandı.
