Siniflərə Şəhid adları verilir
Azərbaycan Respublikası Təhsil Nazirliyinin 16.11.2020-ci il tarixli, F-512 nömrəli əmri ilə təsdiq olunmuş "Azərbaycan xalqının tarixi qələbəsinin tədrisdə əks etdirilməsi haqqında" Təhsil Nazirliyinin Fəaliyyət Planına uyğun olaraq məktəbimizdə nümunəvi siniflərə şəhidlərin adları verilməkdə davam edir. Dekabrın 9-da ibtidai sinif müəllimi Vahidə Məmmədovanın təşkilatçılığı ilə 2"B" sinfində sinif saatı keçirilərək Vətən müharibəsi Şəhidi baş leytenant Əlimov Elvin Nəsrəddin oğlu yad edildi və həmin sinfə şəhidin adı verildi. Tədbirdə Şəhidin anası İradə xanım Əlimova və məktəbin müəllim və valideyn kollektivi iştirak edirdilər.
Ruhun şad, məkanın cənnət olsun, igid Vətən oğlu!.
