Konstitusiya Gününə həsr olunmuş sinif saatları keçirildi
Noyabrın 11-də məktəbin illik Fəaliyyət planının 1.3.12-ci bəndinə müvafiq olaraq şagirdlərdə dövlət rəmzlərinə, vətənpərvərlik, milli mənəvi dəyərlərimizə hörmət hissinin aşılanması məqsədilə 4"K", 7"D", 8"A" və 9"C" siniflərində Konstitusiya gününə həsr olunmuş sinif saatları və dəyirmi masa keçirildi. Şagirdlərə bildirildi ki, 1995-ci il noyabrın 12-də keçirilmiş referendumda xalqın iradəsinə uyğun olaraq Konstitusiya qəbul edildi. 1995-ci il Konstitusiyası Azərbaycan Respublikasında dövlət quruculuğunun əsasını qoymuşdur.
