Əhməd Cavadın 130 illik yubileyi qeyd olunur
Azərbaycan ədəbiyyatının görkəmli nümayəndəsi, böyük şair Əhməd Cavadın 130 illik yubileyinin qeyd edilməsi ilə bağlı Bakı Şəhəri üzrə Təhsil İdarəsi tərəfindən təsdiq olunmuş Tədbirlər Planına uyğun olaraq oktyabrın 31-də məktəbin Azərbaycan dili və ədəbiyyat müəllimi Rafiq Bayramov 6"E" sinif şagirdlərinin iştirakı ilə dəyirmi masa təşkil etmişdir. Tədbirdə Əhməd Cavadın həyatı, ədəbi yaradıcılığı və ictimai-siyasi fəaliyyətindən söz açılaraq şagirdlərin ifasında şeirlər dinlənilib.
Qeyd edək ki, “Əhməd Cavadın 130 illiyinin qeyd edilməsi haqqında” Elm və Təhsil Nazirliyinin Tədbirlər Planının təsdiq edilməsi barədə Elm və Təhsil Nazirliyinin müvafiq əmrinin icrasını təmin etmək, Azərbaycan ədəbiyyatının görkəmli nümayəndəsi, şair, tərcüməçi, tanınmış maarifçi və ictimai xadim Əhməd Cavadın həyatı, ədəbi yaradıcılığı, ictimai-siyasi fəaliyyəti haqqında məktəbliləri məlumatlandırmaq əsas məqsədlərdəndir.
