Metodiki Şuranın iclası keçirildi
Oktyabrın 14-də məktəbdə Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin rəhbər və pedaqoji heyəti üçün təşkil olunmuş metodiki seminarlarda müzakirə olunan məsələlərə həsr olunmuş Metodiki Şuranın iclası keçirildi. İclasda iştirak edən məktəb direktoru, təlim-tərbiyə və təşkilati işlər üzrə direktor müavinləri, psixoloq, kitabxana müdiri, fənn metodbirləşmə rəhbərləri, məktəb saytını idarə edən şəxs məktəb mühiti, müəllimlərin peşəkarlıq səviyyəsinin artırılması, şagirdlərin hərtərəfli vətəndaş kimi formalaşdırılması, fənn olimpiadalarına hazırlıq və valideynlərlə işin qurulması, təlim keyfiyyətinin artırılması istiqamətində səmərəli yanaşmalar, məktəbdaxili metodiki işə nəzarət, istedadlı şagirdlərlə iş, məktəbdaxili qiymətləndirmə işinin təşkili, sosial layihə və fəaliyyətlərin planlaşdırılması, ictimaiyyətlə əlaqələr, məktəb saytın idarə olunması məsələlərinə toxundular.
