279 №-Lİ TAM ORTA MƏKTƏB

Ən yaxşı divar qəzeti" müsabiqəsi   Azərbaycan xalqının ümummilli lideri Heydər Əliyevin anadan olmasının 99-cu ildönümü ilə bağlı məktəbin Tədbirlər Planına uyğun olaraq "Heydər Əliyev irsinin tədqiqi və təbliği" adlı "Ən yaxşı divar qəzeti" müsabiqəsi elan olunmuşdur. Direktor müavini Aygün Fərzəliyevanın təşkilatçılığı əsasında baş tutan müsabiqənin əsas məqsədi Heydər Əliyev irsinin təbliği, Azərbaycanın müstəqilliyini əbədi və dönməz edən böyük siyasi təcrübəyə, zəngin dünyagörüşünə malik dahi insanın gördüyü əvəzolunmaz işləri yaymaq, eyni zamanda, bütün şagirdlərin bəhrələnməsini təmin etməkdən ibarətdir.   Azərbaycan xalqının ümummilli lideri, dünya səviyyəli siyasi xadim Heydər Əliyev çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyətdir. Tarixin yaddaşında əbədi iz qoymaq hər insana nəsib olmayan böyük xoşbəxtlikdir. Bu yalnız Heydər Əliyev kimi dahi şəxsiyyətlərin qismətinə düşən müstəsna taledir. Bütün həyatını xalqının xoşbəxt gələcəyinə, qüdrətli Azərbaycan dövlətinin yaradılmasına və inkişafına həsr etmiş bu dahi şəxsiyyətin Vətən və xalq qarşısındakı xidmətləri misilsizdir.   Nümayiş olunan divar qəzetləri arasında maraqlı iştirakçılar müəyyənləşdirilib. Nəticələrə uyğun olaraq bu gün şagirdlərin mükafatlandırma mərasimi baş tutdu. Şagirdlər Fəxri Fərmanla təltif olundular.

"Əbədiyaşar lider" adlı əl işlərindən ibarət sərgi  Azərbaycan xalqının ümummilli lideri Heydər Əliyevin anadan olmasının 99-cu ildönümü ilə bağlı məktəbin Tədbirlər Planına uyğun olaraq "Əbədiyaşar lider" adlı əl işlərindən ibarət sərgi təşkil olunmuşdur. Direktor müavini Aygün Fərzəliyevanın təşkilatçılığı əsasında baş tutan müsabiqə şagirdlərin asudə vaxtlarının səmərəli təşkili məqsədilə həyata keçirilib. Sərgidə nümayiş olunan işlər arasında maraqlı iştirakçılar müəyyənləşdirilib. Nəticələrə uyğun olaraq bu gün şagirdlərin mükafatlandırma mərasimi baş tutdu. Şagirdlər Fəxri Fərmanla təltif olundular.

"Ailəm və Məktəbim"layihəsi  Bakı Şəhəri üzrə Təhsil İdarəsinin 18.04.2022-ci il tarixli F-145 nömrəli əmri ilə təsdiq olunmuş Tədbirlər Planına əsasən "Ailəm və Məktəbim"layihəsi çərçivəsində valideyn və şagirdlərin birgə fəaliyyətini əks etdirən əl işlərindən sərgi təşkil olundu. Layihə çərçivəsində fəal iştirak edən valideyn və şagirdlər Fəxri Fərmanla təltif olundu.