"Ana dili günü" kitabxanada qeyd edildi
Dil bəşəriyyətin ən böyük nailiyyətidir desək, yanılmarıq. Hər bir insan öz ana dilini yaxşı bilməli və onu qorumalıdır. 21 Fevral bütün dünyada “Beynəlxalq Ana Dili Günü” kimi qeyd olunur. Bu gün kitabxanamızda Azərbaycan dilinin dünyanın qədim dil ailəsinə-türk dili qrupuna aid olduğu vurğulandı. Kitabxana müdiri Bənövşə Ağayeva ana dilinin insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında mühüm əhəmiyyət daşıdığını vurğuladı. Sonda VI_b sinif şagirdləri ana dilinə həsr olunmuş şeirlər söylədilər.
