276 №-Lİ TAM ORTA MƏKTƏB

Martın 17-si 2023-cü il tarixdə BŞTİ-nin "Dəyərlərimizi qoruyaq" adlı Tədbirlər Planının 2.1-ci bəndinə əsasən məktəbimizdə "Novruz gəlir yaz gəlir" adlı tədbir keçirilmişdir Tədbirdə şagirdlər Novruz adət ənənələrinə uyğun olaraq kompozisiyalar, səhnəciklər göstərmiş, mahnılar oxumuş, hakıştalar söyləmişdilər. Həmçinin bayram münasibətilə bir qrup müəllim fəxri fərmanlarla təltif olunmuşlar.

Baharın gəlişi ilə əlaqədar məktəbin fəaliyyət və tədbirlər planına əsasən məktəbimizdə Novruz şənlikləri keçirilir. Bu gün məktəbimizin 2 a sinfində uşaqlar Novruz adət ənənələrinə uyğun olaraq kompozisiyalar, səhnəciklər göstərmiş, mahnılar oxumuş, hakıştalar söyləmişdilər. Bu cür bayram tədbirlərinin keçirilməsi şagirdlərimiz bayram adət ənənələrinə yiyələnməsinə və milli mənəvi dəyərlərimizin qorunub saxlanılmasına müsbət təsir göstərir.

Bakı şəhəri 276 №-li tam orta məktəbdə məktəbin psixoloqu tərəfindən valideynlərlə növbəti görüş keçirildi. Görüşdə valideynlərlə yeniyetməlik yaş dövrünün xüsusiyyətləri haqqında maarifləndirici söhbət, fikir mübadilesi aparıldı, videoçarxlar nümayiş olundu. Sonda isə valideynləri maraqlandıran suallar cavablandırıldı.

Bakı şəhəri 276 nömrəli tam orta məktəbdə Humanist Pedaqogika üzrə Təhsil Təşkilatları Beynəlxalq Assosiasiyasının prezidenti, əməkdar müəllim Asif Cahangirovla görüş keçirilib.

Görüşdə Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva, Binəqədi Rayon İcra Hakimiyyəti başçısının müavini Sevinc Süleymanova, BŞTİ-nin müdir müavini Hüseyn Əsgərov, Media və ictimaiyyətlə əlaqələr sektorunun müdiri Bəşarət Məmmədov, məktəb direktorları, müəllim və şagirdlər iştirak ediblər.

Məktəbin direktoru Bəhram Şiriyev tədbir iştirakçılarını salamlayaraq belə bir mühüm görüşün keçirilməsinin təhsil ocağı üçün əlamətdar olduğunu söyləyib.

Məktəbin müəllimi Mədinə Malahova A.Cahangirovun “Təhsilimiz: dünəndən sabaha” kitabına həsr olunmuş təqdimatla çıxış edib.

BŞTİ müdiri M.Vəliyeva Azərbaycanda elmi-pedaqoji fikrin formalaşmasında A.Cahangirovun səmərəli fəaliyyətindən danışıb. Bildirib ki, öz həyatını təhsilə, pedaqogikaya həsr edən A.Cahangirov təhsil islahatlarında fəal iştirak edib, səmərəli təkliflər irəli sürüb.

Müasir təhsil modelinə dair təqdimatla çıxış edən A.Cahangirov dünya ölkələrinin təhsil təcrübələri, XXI əsr müəlliminin hazırlığı, idarəetmədə əsaslı şəkildə müasirləşmə, müəllim və valideynlər arasında sıx əməkdaşlığın təmin olunması, "Z" və "A" nəsilləri ilə doğru ünsiyyət qurmağın vacibliyindən danışıb. Robototexnika, süni intellekt dövründə yetişən nəsillərlə davranışın həssaslıq tələb etdiyini vurğulayan A.Cahangirov yeni nəsillərlə düzgün ünsiyyət formasının seçilməsinin zəruriliyini vurğulayıb.

Daha sonra A.Cahangirov tədbir iştirakçılarını maraqlandıran sualları cavablandırıb.

Sonda şagirdlərin ifasında vətənpərvərlik mövzusunda seirlər səsləndirlib, mahnılar ifa olunub.

Məktəbimizdə “Gənc  ekoloqlar”  dərnəyinin üzvləri tərəfindən “Yaşıl patrul” layihəsinə start verilmişdir. Burada məqsəd ekoloji savadlılığı artırmaq, yetişməkdə olan gənc nəslin ekoloji maariflənməsini aparmaqdır.  Bu baxımdan siniflər üzrə yaşıllıqların artırılması, dibçəklərin çoxalması və məktəblilərin bütün gözəlliklərə dəstək olmağa, biganə qalmamağa  səsləməkdir. Layihə aprel ayının sonuna kimi davam edəcək.  Sonda isə qalib gələn sinif rəhbərlk tərəfindən təltif olunacaqdır.