Ustad dərsləri keçirilib
Məktəbin illik fəaliyyət planının 1.1.1.8-ci bəndinə uyğun olaraq şagirdlərin müxtəlif fənlər üzrə bilik, bacarıq və vərdişlərə yiyələnmə imkanlarının artırılması, əməkdaşlıq bacarıqlarının formalaşdırılması məqsədilə il ərzində müxtəlif fənn aylıqlarının keçirilməsi planlaşdırılmışdır. May ayı məktəbdə Fiziki tərbiyə - Musiqi - Texnologiya - Təsviri incəsənət aylığı elan olunmuşdur. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, dərsdinləmələr, müxtəlif tədbirlərin hazırlanması, debat və dəyirmi masaların, ekskursiyaların təşkili, həmçinin şagirdlərin bilik və bacarıqlarının yoxlanılması və monitorinqlərin keçirilməsi nəzərdə tutulmuşdur.
Aylığın Tədbirlər Planına uyğun olaraq 20 may tarixində məktəbin texnologiya müəllimi Gülşən Əhmədova sinif şagirdləri və ixtisaslı peşəkarların iştirakı ilə ustad dərsi təşkil edib. Şagirdlər un məmulatlarının hazırlanma texnologiyası ilə əyani tanış olub.
