Elçin Nəbi oğlu Qaranzadə
Elçin Nəbi oğlu Qaranzadə 1973-cü ildə sentyabrın 21-də Bakı şəhərində anadan olmuşdur. Əslən Borçalının Saraçlı kəndindəndir.
1980-ci ildə Suraxanı rayonunda I sinfə getmişdir. 1990-cı ildə məktəbin nümunəvi məzunlarından biri olmuşdur. Orta məktəbi bitirdikdən sonra N.Nərimanov adına toxuculuq fabrikində əmək fəaliyyətinə başlamışdır. O,1991-ci ildən Azərbaycan Milli Ordu sıralarına çağrılmışdır.
1994-cü ildə Mingəçevir şəhərindəki Hərbi hissədən könüllü olaraq cəbhəyə getmişdir. Onun döyüş yolu Kəlbəcər rayonundan başlamışdır.
1994-cü ilin martında isə ön cəbhədə vuruşmuşdur.
1994 -cü ilin may ayının 8-də Murovdağ uğrunda gedən döyüşlərdə Şəhid olmuşdur.
Şəhidin məzarı II Fəxri xiyabandadır.
Suraxanı rayonu 270 nömrəli tam orta məktəb Şəhidin adını daşıyır.