“Bayraqları bayraq edən üstündəki qandır…"
27 nömrəli tam orta məktəbdə Azərbaycanın ən mühüm bayramlarından biri 9 noyabr – Bayraq Gününə həsr olunmuş tədbir keçirildi. Təhsil ocağının müəllim və şagird heyətinin hazırladığı bu ədəbi-bədii tədbir çox gözəl alındı.
Tədbir Azərbaycan Respublikası Dövlət bayrağının gətirilməsi ,sonra isə Dövlət Himninin oxunması ilə başladı. “Bayraqları bayraq edən üstündəki qandır…” Bu cümlələrlə başlayan tədbirdə Respublikamızın rəmzi olan bayraq haqqında geniş məlumat verildi. Onun rəngləri, üstündəki ay və səkkizgüşəli ulduzun mənası haqda zala toplaşanlara bir daha məlumat verildi. İstər 1-ci, istərsə də yuxarı sinif şagirdlərinin ifasında səslən şeirlər, musiqi ifaları çox təsirli alındı. Milli geyimdə rəqs edən uşaqlar və bir çox digər məqamlarla dolu olan Bayraq Günü tədbiri maraqlı, Azərbaycan Respublikasının rəmzinə layiq şəkildə keçirildi. Tədbirdə həmçinin məktəblinin dostları da iştirak etdilər.Bundan başqa Bayraq gününə həsr olunmuş sərgi də nümayiş olundu,məktəbin həyətində flashmob da təşkil olundu.
