27 №-li tam orta məktəb

Azərbaycanın 16 yaşadək qızlardan ibarət yığması Avropa çempionatının Cəbəllütariqdə keçirilən final oyununda Kipr yığması ilə üz-üzə gəlib.

Qarşılaşmanın əvvəlindən üstünlüyü ələ keçirən Azərbaycan seçməsi rəqib üzərində 69:52 hesablı qələbə qazanıb. Bununla da Evren Alkayanın yetirmələri ardıcıl ikinci dəfə Avropa çempionu olub.

Məktəbimizin X “E” sinif şagirdi Məmmədli Mədinəni və dostlarını bu tarixi qələbə münasibətilə ürəkdən təbrik edirik!

Xətai rayonu 27 nömrəli tam orta məktəbin

“Gənc ekoloqlar“ komandası “Regional İnkişaf” İctimai Birliyi tərəfindən Ekologiya və Təbii Sərvətlər Nazirliyi, Kənd Təsərrüfatı Nazirliyi, Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi, Azərbaycan Dövlət Su Ehtiyatları Agentliyi, Azərbaycan Qida Təhlükəsizliyi İnstitutu, Səhiyyə Nazirliyinin İctimai Səhiyyə və İslahatlar Mərkəzi, Azərbaycan Sənaye Korporasiyası, ADA Məktəbi, Azərbaycan Mühəndislik Akademiyasi və “AzerGold” QSC-nin dəstəyi ilə “Qlobal iqlim dəyişikliyinin uşaqların sağlamlığına təsirləri” layihəsində iştirak edir.

Şagirdlərimiz böyük həvəslə məktəbin müəllimi,Kiçik Akademiyanın prezidenti Namiyə Hacıyevanın təşkilatçılığı və rəhbərliyi ilə layihə çərçivəsində müsabiqə üçün təşkil edilən vebinarlara qoşularaq, fəal iştirak edirlər.

Komandamıza “Qlobal iqlim dəyişikliyinin uşaqların sağlamlığına təsirləri”layihəsinin icrasında uğurlar arzulayırıq.

Attestatlar təqdim edilib

12 iyul tarixində Xətai rayonu 27 nömrəli tam orta məktəbdə IX və XI sinfi bitirən məzunlara fəqrlənmə attestatları təqdim edilib.

Fərqlənmə attestatı üçün qoyulan meyarları tam ödədiyindən buraxılış siniflərini bitirən 15

şagirdimiz bu gün çox qürurlu və sevincli idilər.

Çəkilən əziyyət öz bəhrəsini vermişdi.

Məktəbin direktoru əvəzi Xatirə xanım Əhmədova Fərqlənmə Attestatlarını təqdim edərək,məktəb kollektivi adından məzunlarımızı təbrik etdi.

Fərqlənmə attestatı alan şagirdlərimizlə tanış olaq.

Ümumi orta təhsil haqqında fərqlənmə attestatı alanlar:

IX “B”-Kərimli Fidan Bayram,Məmmədova Zəhra Ceyhun,Nuriyeva Fatimə Bəhram

IX "C"- Babayeva Fidan Kamil,Yusifova Sənəm Rövşən

IX "Ç"- Süleymanlı Fidan Şəmisdan

IX “E”-Cabbarlı Rahim Cavid,Həsənzadə Fuad Elçin,Tutayuk Ayşə Fərhad

Tam orta təhsil haqqında fərqlənmə attestatı alanlar:

XI "A"-Məmmədli Elnur Emin,Yunisli Rauf Turan

XI "B"- Əliyeva Nazilə Zaur,Qasımova İpək İlyas

XI "Ç"- Allahverdiyeva Zərrin Rəşad,

Kazımov Mikayıl Anar

Bütün məzunlarımızı təbrik edir, onlara qarşıdakı həyat yollarında uğurlar arzu edirik.Yolunuz açıq, addımlarınız uğurlu olsun əziz məzunlarımız!

Ümumi orta təhsil səviyyəsi üzrə attestatlar təqdim edildi

Ümumi təhsil pilləsində təhsil haqqında dövlət sənədlərinin nümunələri və onların verilməsi qaydasına uyğun olaraq iyulun 9-da ümumi orta təhsil səviyyəsini bitirən məzunlara attestatlar təqdim olundu.

Qeyd edək ki, 2023-2024-cü tədris ilində Xətai rayonu 27 nömrəli tam orta məktəbdə 217 nəfər şagird IX sinfi bitirmiş, onlardan 9-u fərqlənmə, 208 nəfəri isə adi nümunəli attestata layiq görülmüşlər.

Bütün şagirdlərimizi təbrik edir və onlara uğurlar arzu edirik.

+16

Azərbaycanın 16 yaşadək qızlardan ibarət basketbol millisi Avropa çempionatının C divizionunda ilk matçına çıxıb.

Evren Alkayanın baş məşqçisi olduğu yığma Ermənistan komandası ilə üz-üzə gəlib.

Cəbəllüttariqdə gerçəkləşən qarşılaşma millimizin qələbəsi ilə bitib - 86:59.

U-16 növbəti oyununu iyulun 10-da Gürcüstan, 11-də isə Kipr kollektivlərinə qarşı keçirəcək.

Xətai rayonu 27 nömrəli tam orta məktəbin 9E sinif şagirdi Mədinə Məmmədovanın da yer aldığı komandamıza qarşıdakı yarışlarda uğurlar arzulayırıq.