27 №-li tam orta məktəb

Qürurla təqdim edirik:

27 nömrəli tam orta məktəbin himni!

Sözləri də, musiqisi də məktəbimizin içindən doğan bu əsər bizim ruhumuzu və dəyərlərimizi əks etdirir. Himnimizin bəstəkarı məktəbimizin məzunu Tural Məmmədlidir.

 Yaşanan bu hislər təhsilalanların səsində və ruhunda canlanır.

Bu himn təkcə səslənmir — ürəklərə toxunur.     

Müasir incəsənətin sehrli dünyasına səyahət!

Muzey Həftəsi layihəsi çərçivəsində 3B sinfinin şagirdləri müəllimləri Afət Məmmədovanın rəhbərliyi ilə YARAT Müasir İncəsənət Mərkəzinə yaddaqalan ekskursiya etdilər.

 Burada şagirdlər yalnız sənət əsərlərinə baxmaqla kifayətlənmədilər – onlar rənglərin, formaların və ideyaların dili ilə tanış oldular.

 Bu səfər uşaqlara fərqli düşünməyi, yaradıcılığın dəyərini hiss etdirdi.  https://www.facebook.com/share/v/1YJTmBZmqJ/

6E sinfində tarix canlandı!

Mehriban Qadaşovanın təşkil etdiyi interaktiv dərsdə şagirdlər Azərbaycan Demokratik Respublikasının yaranması mövzusunu yaradıcı şəkildə öyrəndilər. 

 Mövzuya uyğun mahnılar ifa olundu,

 ADR dövrünü əks etdirən rəsmlər nümayiş etdirildi,

 Tarixi faktlara dərindən nəzər salındı,

 Və ən maraqlısı — şagirdlər bir neçə xarici dildə səhnəciklər göstərərək müxtəlif informasiyalar təqdim etdilər.

Belə dərslər həm bilikləri möhkəmləndirir, həm də yaradıcılıq, təqdimat bacarıqları və komanda işini inkişaf etdirir.   

 Tarixə səyahət – Bayrağımızın izləri ilə!

6C sinfinin rəhbəri Aytən Cəyiyevanın rəhbərliyi ilə şagirdlər Dövlət Bayraq Meydanında yerləşən "Dövlət Bayrağı Muzeyi"nə unudulmaz səfər etdilər!

 Muzeydə ADR-in ilk bayrağını, medalları, ordenləri və tarixi hərbi geyimləri yaxından görən şagirdlər bayrağımızın mənası və keçdiyi yol haqqında əyani məlumatlar əldə etdilər.

 Konstitusiyamızla tanış olaraq dövlətçilik tariximizə daha dərindən bələd oldular.

 Bu səfər şagirdlərdə həm vətənə sevgi, həm də tariximizə maraq hissini daha da gücləndirdi.

Gənclərimizə tariximizi yaşatmaq və sevdirmək – gələcəyimizi möhkəmləndirmək deməkdir! https://www.facebook.com/share/v/162avd813N/

Muzey Həftəsi xatirələri!

2B sinfinin balaca tədqiqatçıları, müəllimləri Gülanə Əliyevanın rəhbərliyi ilə unudulmaz bir muzey səfərinə çıxdılar! 

Eksponatlar danışdı, tarix canlandı — şagirdlər keçmişimizi kəşf edərək mədəni irsimizə daha da yaxınlaşdılar. 

Tarixi sevərək böyüyən bu uşaqlar gələcəyin dəyərli qurucularıdır!   https://www.facebook.com/share/v/1AVoBcjhxj/