“Diqqət uşaqlar”adı hərəkətin təhlükəsizliyi aylığı çərçivəsində tədbir
Yeni dərs ilinin başlanması ilə əlaqədar küçə və yolllarda nəqliyyat vasitələrinin hərəkət intensivliyinin yüksək olduğu bir şəraitdə məktəblilərin təhlükəsizliyinin təmin edilməsi, yol hərəkəti ilə bağlı həyat və sağlamlıqlarının qorunması, uşaq və yeniyetmələrin iştirakı ilə yol-nəqliyyt hadisələrinin qarşısının alınması, təhlükəsiz davranış vərdişlərinin aşılanması və tədris prosesinin effektivliyinin yüksəldilməsi istiqamətində profilaktik işlərin gücləndirilməsi günün vacib tələblərindəndir. Qeyd olunan tədbirlərin tənzimlənməsi məqsədilə Azərbaycan Respublikası Daxili İşlər Nazirliyinin müvafiq əmrinə əsasən Respublika ərazisində cari ilin 10 sentyabr-10 oktyabr tarixlərində “Diqqət uşaqlar” adı altında hərəkətin təhlükəsizliyi aylı ğı keçirilmişdir. Bununla bağlı Bakı şəhəri Təhsil İdarəsinin “Təhsil müəssisələrində tərbiyə işinin təkmilləşdirilməsi” ilə əlaqədar 2015-ci il üçün fəaliyyət planını rəhbər tutaraq hərəkətin təhlükəsizliyi aylığı çərçivəsində Bakı şəhəri 27 nömrəli tam orta məktəbin ibtidai sinifləri üzrə 9 oktyabr 2015-ci il tarixində “Qırmızı, yaşıl, sarı” adlı marifləndirici tədbir keşirilib. Tədbirdə qonaq qismində Bakı şəhər polis idarəsinin polis mayoru İlham Mustafayev və polis serjantı Nadir Məmmədov iştirak edib. Tədbir zamanı şagirdlər təhlükəsizlik işarələri haqqında məlumatları dinləyib, video çarxalara tamaşa ediblər. Məktəbin şagirdləri yol hərəkəti qaydaları haqqında şeir və mahnıları ilə tədbirə rəngarənglik qatıblar.
