İməcilik keçirildi
Ölkədə ekoloji vəziyyətin daha da yaxşılaşdırılması, təbiətə qayğı və yaşıllıqların artırılması sahəsində ardıcıl tədbirlər görülür. Ümumrespublika yaşıllaşdırma marafonu çərçivəsində 16 dekabr 2017-ci il tarixində 27 saylı tam orta məktəbdə də iməcilik keçirildi.İməcilik zamanı ağac əkmək üçün istifadəyə yararlı ərazi daş və məişət tullantılarından təmizlənərək əkin üçün istifadəyə yararlı vəziyyətə salındı ,xeyli ağac və kollar əkildi, İməcilikdə məktəbin ərazisində təmizlik işləri aparıldı, ağacların və kolların dibləri yumşaldıldı. Məktəbin sinif otaqlarında da pəncərələr silindi, partalar təmizləndi və dibçək gülləri sulanaraq yarpaqların tozu alındı.
