Dahi Bülbülün xatirəsi yad edildi
Azərbaycan vokal məktəbinin banisi, görkəmli müğənni Bülbülün 120 illiyinə həsr olunmuş rəngarəng tədbirlər məktəbimizdə də keçirilmişdir. “Milli musiqimizin inkişafında Bülbülün rolu mövzusunda “Dəyirmi masa”, eləcə də tədqiqatçı-alim və pedaqoq, tanınmış ictimai xadimə aid fotostendlər, bülletenlər hazırlanmış, şagirdlərin əl işlərindən ibarət sərgilər təşkil olunmuşdur.Keçirilən tədbirlərdə Azərbaycan xalq mahnılarının, təsniflərinin, vokal əsərlərinin bənzərsiz ifaçısı Bülbülün zəngin yaradıcılıq yolu keçdiyi və çoxşaxəli fəaliyyəti ilə Azərbaycanın musiqi mədəniyyəti tarixində silinməz izlər qoyduğu şagirdlərin diqqətinə çatdırılmışdır.Şagirdlərimiz musiqi müəllimi Səlimə müəllimə və Elmira müəllimənin rəhbərliyi və köməyi ilə görkəmli xanəndənin ölməz xatirəsinə hörmət və ehtiram əlaməti olaraq layihə-dərs də hazırlamışdılar. Milli musiqi mədəniyyətinin inkişafına misilsiz töhfələr vermiş sənətkara həsr olunan tədbirlərdə şagirdlər Bülbülün repertuarından xalq mahnıları və klassik əsərlər ifa etmiş,köhnə lent yaılarının köməyi ilə o əsrarəngiz səsin sehrinə dalmışlar. Həmçinin,məktəbimizin şagird və müəllim kollektivi Bülbülün Xatirə Muzeyinə təşkil olunmuş ekskursiyalarda da iştirak etmişlər.
