"Narkotiklərə yox deyək!” mövzusunda tədbir
Xətai rayonu 27 nömrəli tam orta məktəbdə “ Narkomaniyaya yox deyək” mövzusunda böyük tədbir keçirilmişdir.Tədbirdə Xətai Rayon Polis İdarəsinin rəisi , polis polkovniki Muradəli Babayev, Xətai Rayon Polis İdarəsinin rəisinin şəxsi heyət üzrə köməkçisi İdris Məhərrəmov,Respublika Narkoloji Mərkəzin həkimi Bilal Əsədov, Xətai Rayon Polis İdarəsinin Narkotiklərlə Mübarizə Bölməsinin rəisi Anar Rüstəmov ,Xətai Rayon Polis İdarəsinin Dövlət Yol Polisi Şöbəsinin əməkdaşı Fərid Əhədov,Xətai Veteranlar Şurasının sədr müavini Adil Osmanov iştirak etmişdir. Məktəbin direktoru Cəmilə Ramazanova və qonaqlar XI sinif şagirdlərinə öz tövsiyyələrini vermişlər. Zərərli vərdişlərdən çəkinmək, siqaret və alkoqollu içkilərin,narkotik maddələrin insan orqanizmində törətdiyi fəsadlar, xəstəliklər,onlardan qorunmaq yolları haqqında geniş söhbət aparmışlar. Əsrin bəlası olan narkomaniyaya qarşı mübarizə aparmaq üçün cəmiyyətin bütün üzvlərinin bu işə qoşulması,zəif iradəli uşaqlar, gənclər arasında söhbətlərin aparılması nəzərdə tutulmuşdu. Tədbirdə uşaqların narkomaniya əleyhinə hazırladıqları rəsmlər nümayiş olunmuşdur.
