"Dəyərlərimizi qoruyaq" layihəsi çərçivəsində
"Ölkələri tanıyaq və tanıdaq" mövzusunda tədbirlər
Bakı Şəhəri üzrə Təhsil İdarəsinin "Dəyərlərimizi qoruyaq" layihəsi çərçivəsində "Ölkələri tanıyaq və tanıdaq" mövzusunda silsilə tədbirlər keçirilib.
Paytaxtdakı 27 nömrəli tam orta məktəbdə təşkil olunan "Ölkələri tanıyaq və tanıdaq" layihəsinin əsas məqsədi ibtidai sinif şagirdlərini Azərbaycanla yanaşı digər ölkələrin tarixi, mədəniyyəti, incəsənəti, idmanı, adət-ənənələri barədə məlumatlandırmaqdan ibarətdir.
Belə ki, layihə çərçivəsində Çin, İngiltərə, Türkiyə, Avstriya, İsveç, Çexiya və digər ölkələrə həsr olunan tədbirlərdə Azərbaycanla həmin ölkələrin əlaqələrinin tarixindən, sürətlə inkişaf etdirilən əməkdaşlıqdan danışılıb.
