"Xüsusi nişan"la təltif olunan məzun.
Yüksək elmi zirvələrə gedən yol məktəbdən keçir. Məhz orta məktəbdə qazanılan biliklər elm yolunu seçənlərin, eləcə də ölkənin gələcəyi üçün töhfələr verməyə hazır olanların gələcək uğur salnaməsini müəyyən edir.Belə gənclərdən birinin uğur hekayəsi ilə sizi tanış etmək istəyirəm.Bu istedadlı gəncin adı Elnurdur.Elnur Məmmədli.
Xətai rayonu 27 nömrəli tam orta məktəbin məzunu,Vlll,IX,X və Xl siniflərdə informatika fənni üzrə olimpiada qalibi olaraq,gümüş və qızıl medalların sahibi və elə buna görə də müsabiqədənkənar əsaslarla ADA Universitetinin tələbəsi adını qazanmış Elnur Məmmədli bu gün həyatının növbəti qızıl medalını qazandı.
“Rəqəmsal Bacarıqlar” layihəsinin fəallarından biri olaraq,Eurolapian Junior Olympiad in Informatics,eləcə də bir çox Beynəlxalq müsabiqələr qalibi,süni intellekt sahəsində maraqlı kəşflərə imza atan Elnur Məmmədli bu dəfə isə on bir illik əziyyətinin,yuxusuz gecələrinin bəhrəsi olan tam orta təhsil haqqında xüsusi nümunəvi attestat və qızıl medalla təltif olundu.
Təqdimetmə mərasimində Elnur Mamedli uğurlarında əməyi,zəhməti keçən başda Cəmilə Ramazanova,Konul Hasanova ,Xatira Axmedova olmaqla bütün pedaqoji kollektivə təşəkkür etdi. Məktəb rəhbərliyi və pedaqoji kollektiv adından biz də məzunumuzu təbrik edir,ona gələcək həyatında uğurlarının davamlı olmasını diləyirik.
