Ümummilli Lider Heydər Əliyevin anım günü qeyd olunub.
Xətai rayonu 27 nömrəli tam orta məktəbdə Ulu Öndər Heydər Əliyevin anım günü dərin hüzn, eyni zamanda, qürurla yad edildi. Hər il olduğu kimi bu il də məktəbdə dərslər Ulu Öndərə, onun həyat və fəaliyyətinə həsr olundu. Böyüyən nəslə dahi Liderimizi tanıtmaq, onun əvəzolunmaz xidmətləri haqqında ətraflı məlumatlar vermək vacib və əhəmiyyətlidir. Ulu Öndərin həyatı hər bir gənc üçün ən gözəl örnəkdir.
Tarix müəllimi Mehriban Qadaşova Ulu Öndərin həyat və fəaliyyəti haqqında şagirdlərə qısa məlumat verdikdən sonra şagirdlərin təqdimatları dinlənildi. Təqdimatlarda Ulu Öndərin uğurlu, uzaqgörən daxili və xarici siyasəti, müdrikliyi vurğulandı. Şagirdlər Ulu Öndərin müdrik kəlamlarını səsləndirdilər,Ulu Öndər Heydər Əliyevə olan əbədi və dərin sevgilərini isə şeirlərlə dilə gətirdilər.H.Əliyevin "Küçələrə su səpmişəm "xalq mahnısının zümzüməsindən sonra məşhur xalq mahnısı 9D sinif şagirdi Isa Bağırov və 10 D sinif şagirdi Ayan Bayramovanin ifasında səsləndi.
