Xətai rayonu 27 nömrəli tam orta məktəbdə "Müstəqilliyimiz əbədi və dönməzdir!" mövzusunda sinif təşkilat saatları,konfrans və dəyirmi stol arxasında müzakirələr keçirilib.
Məqsəd məktəbliləri milli-mənəvi dəyərlərə hörmət və Vətənə məhəbbət ruhunda tərbiyə etmək, onlarda vətənpərvərlik hissini yüksəltmək, müstəqillik illərində respublikamızın keçdiyi zəngin inkişaf yolunda qazandığı parlaq nailiyyətləri təbliğ etməkdən ibarətdir.
Azərbaycan Respublikasının Dövlət himni ilə başlanan dərslərdə çıxış edən tarix müəllimləri Mehriban Qadaşova,Sevda Novruzova,Sevda Abışova və Aygün Əzizova Azərbaycan Respublikasının inkişaf etdiyini, müstəqilliyimizi bərpa etdiyimiz son 31 ildə istər iqtisadi, istərsə də sosial sahədə irəlilədiyini vurğulayıb.
Daha sonra şagirdlərin çıxışları dinlənilib, vətənpərvərlik mövzusunda şeirlər söylənilib, çıxışlar edilib, videoçarxlar nümayiş olunub.
