"Kiçik Akademiya" mərkəzinin 2020-2021-ci tədris ili üçün hesabat konfransı
30 .06.2021-ci il tarixdə Xətai rayonu "Kiçik Akademiya" mərkəzinin 2020-2021-ci tədris ili üçün hesabat konfransı keçirildi. Mərkəz məktəb olaraq 27 nömrəli tam orta məktəbin direktoru Könül Həsənova çıxış edərək kiçik akademiyanın fəaliyyəti barədə və Xətai rayonu məktəbləri ilə əməkdaşlıqdan danışdı. Xətai rayonu məktəblərinin "Kiçik Akademiya" larının rəhbərləri gördükləri işlər haqqında hesabat verdilər. 2021-ci ilin I yarımilinin yekunları və II yarımildə qarşıda duran vəzifələr müzakirə olundu.
Daha sonra söz kiçik akademiyanın üzvləri olan istedadlı, uğur qazanmış şagirdlərə verildi. Onlar çıxış edərək bütün auditoriya ilə qazandıqları uğuru, gördükləri işləri paylaşdılar. Məktəblərdə fəaliyyət göstərən kiçik akademiyaların rəhbərlərinə növbəti tədris ilində fəaliyyətlərində uğur arzulayırıq və növbəti tədris ilinin daha səmərəli bir il olmasını diləyirik.
