Tarixi qələbəmizin tədrisdə əksi
Xətai rayonu 27 saylı tam orta məktəbdə "Azərbaycan xalqının tarixi qələbəsinin tədrisdə əks etdirilməsi haqqında" Təhsil Nazirliyinin 16.11.2020-ci il tarixli,F-512 nömrəli Fəaliyyət Planına uyğun olaraq "Şanlı Zəfər Yolumuz!"mövzusunda dəyirmi masa keçirildi.Müdiriyyət,tarix müəllimləri və şagirdlərin birgə iştirakı ilə keçirilən tədbir Azərbaycan Respublikasının Dövlət Himni ilə başlanaraq, Azərbaycanın ərazi bütövlüyü uğrunda həlak olmuş həmvətənlərimiz ,o cümlədən,"Döyüşdə fərqlənməyə görə"medalı ilə təltif olunmuş(ölümündən sonra)məzunumuz gizir Rüfət Əliyevin ruhları 1 dəqiqəlik sükutla yad olundu.
Tədbirdə Qarabağın tarixi,Birinci və İkinci Qarabağ müharibələri,Şəhid təhsil işçiləri,Qarabağ abidələri
mövzuları ətrafında çıxışlar dinlənildi, müzakirələr aparıldı. Həmçinin
tədbir iştirakçıları bir birindən maraqlı videoçarxlar və slaydlar izlədilər.
Məktəbin müdür müavinləri Yeganə Məhəmmədova və Arzu İbrahimova çıxış edərək,Cənab Prezident Ali Baş Komandanın rəhbərliyi altında qələbə ilə başa çatan 44 günlük Qarabağ savaşının xalqımızın həyatında bir dönüş nöqtəsi olduğunu bir daha vurğuladılar.
Sonda məktəbin direktoru
Həsənova Könül xanım çıxış etdi.O, çıxışında müəllim və şagirdlərə öz təşəkkürünü bildirdi,tarixi qələbə münasibətilə
toplantı iştirakçılarını təbrik etdi.
