264 nömrəli məktəb-lisey

• AbdurRəhman Rüstəmov Rüstəm
• Sinif: 11
• Bölmə: Rus
• Kateqoriya: Beynəlxalq müsabiqələr

          264 nömrəli məktəb-liseyin müxtəlif idman növü üzrə Bakı şəhəri, Respublika, Avropa, Beynəlxalq və s. yarışlarda iştirak edən çempionlarını təqdim etmişdik. İndi isə məktəb-liseyin 11 d sinif şagirdi Rüstəmov AbdurRəhman Rüstəm oğlu haqqında, onun nail olduğu nailiyyətləri təqdim edirik. AbdurRəhman Rüstəmov uşaq yaşlarından üzgüçülük idman növü ilə məşğul olur. O, 14 yaşında Türkiyənin İstanbul şəhərində Olimpiada üçün keçirilən lisenziya yarışında İdman ustası normativini yerinə yetirən Azərbaycanlı idmançı adını almış, 2019-cu ildə 4 dəfə Bakı şəhər çempionu, 2022-ci ildə keçirilən yarışlarda 4 dəfə Azərbaycan Respublikası çempionu, 2022-ci ildə keçirilən İslam oyunları finalçısı adını, 2022-ci ildə Zlatni Orlando (Xorvatiya ,Dubrovnik) yarışının çempionu, 2022-ci ildə EYOF finalçısı, 2022-ci ildə Xəzər dalgası Dəniz yarışının qalibi, 17.04.2023-cü ildə Macarıstanın Şopron şəhərində keçirilən yeniyetmələr arasında beynəlxalq turnirdə 2 qızıl, 2 gümüş, 1 bürünc medal əldə etmişdir. 12-13 may tarixində Ümummilli lider Heydər Əliyevin 100 illik yubileyinə həsr turnirində I yerə layiq görülmüşdür.

• Əkbər Mahmudlu Fuad
• Sinif: 8
• Bölmə: Rus
• Kateqoriya: Beynəlxalq müsabiqələr

      Nyu-Yorkda keçirilən “Neo Science-2024” Müasir elmlər olimpiadasında Respublikamızı təmsil edən 8 şagirddən biri, 264 nömrəli məktəb-liseyin 8e sinif şagirdi Mahmudlu Əkbər Fuad oğlu “Proqramlaşdırma” və “Təbiət elmləri” nominasiyaların hər birində bürünc medal, “Riyaziyyat” nominasiyasında isə fərqlənmə diplomu qazanmışdır.                 Şagirdimizi təbrik edirik və uğurlarının bol olmasını arzu edirik!