14 iyun 2025-ci il – Son Zəng Tədbiri.
14 iyun 2025-ci il tarixində məktəbimizin həyətində ənənəvi “Son zəng” tədbiri təntənə ilə keçirildi. Tədbir Azərbaycan Respublikasının Dövlət Himninin səslənməsi ilə başlandı. Himnin ardından məktəbin direktoru çıxış edərək tədbir iştirakçılarını – müəllimləri, şagirdləri və valideynləri səmimi salamladı.
Direktor çıxışında məzunları bu əlamətdar gün münasibətilə təbrik edərək onlara uğurlar arzuladı. O, məktəbin son illərdə qazandığı nailiyyətlərdən, şagirdlərin müxtəlif fənlər üzrə respublika və beynəlxalq səviyyədə əldə etdiyi uğurlardan qürurla danışdı. Eyni zamanda müəllim kollektivinin zəhməti və fədakarlığı da xüsusi qeyd olundu.
Tədbir boyu məzunların ilk müəllimləri – ibtidai sinif müəllimləri, həmçinin fənn müəllimləri çıxış edərək öz şagirdlərinə ürəkdolusu sözlər söylədilər. Onlar illər boyunca birgə keçirdikləri unudulmaz anları xatırladaraq, məzunlara gələcək həyatlarında uğurlar, səbir və əzm arzuladılar.
Tədbir bədii hissə ilə davam etdi. Şagirdlərin hazırladığı musiqi nömrələri, rəqslər və ədəbi-bədii kompozisiyalar tədbirə xüsusi rəng qatdı. Məktəb həyətində səslənən "son zəng" sədaları isə bu günün simvoluna çevrilərək, hər kəsin yaddaşında duyğulu bir xatirə kimi qaldı.
