7-ci siniflər arasında kimya, fizika və biologiya fənləri üzrə bilik yarışı keçirildi.
Məktəbimizin fəaliyyət planına uyğun olaraq bu gün 7-ci siniflər arasında kimya, fizika və biologiya fənləri üzrə bilik yarışı keçirildi. Yarışın keçirilməsində əsas məqsəd şagirdlərin elmi biliklərini artırmaq, fənlərə olan maraqlarını stimullaşdırmaq və sağlam rəqabət mühitində özlərini sınamağa şərait yaratmaq idi.
Şagirdlərimiz yarışda böyük həvəslə iştirak etdilər və biliklərini nümayiş etdirdilər. Gərgin və maraqlı keçən mübarizənin sonunda 7d sinfi qalib gəldi.
Qalibləri səmimi qəlbdən təbrik edir, onlara gələcəkdə daha böyük nailiyyətlər arzulayırıq.
