Riyaziyyat fənni üzrə "Açıq dərs" keçirildi
Noyabrın 30-da məktəbin riyaziyyat müəllimi Diləfruz Bədəlovanın rəhbərliyi ilə 5 “a” sinfində "Açıq dərs" keçirildi. “Adi kəsrlərin müqayisəsi” və “Ədəd oxu” mövzusunda keçirilən dərsin məqsədi şagirdlərin riyazi biliklərinin, hesablama, müqayisəetmə, əməkdaşlıq və vaxta qənaət etmə bacarığının üzə çıxarılması idi.
Öncə müəllim mövzu ilə bağlı sual-cavab apardı. Şagirdlər “Kəsr”, “Məxrəc”, “Sürət”, “Müqayisə”, “Ədəd oxu” qruplarına bölünmüşdülər. Müəllim mövzu üzrə tapşırıqları qruplara təqdim etdi. Qrup liderləri verilən vaxt ərzində tapşırıqları həll etdikdən sonra lövhədə təqdim etdilər. Müəllim bütün qrupların işini qiymətləndirmə meyarları üzrə qiymətləndirdi. Yüksək nəticə göstərən “Sürət” və “Ədəd oxu” qrupları oldu.
Məktəbin direktor müavini Sevil Abdurahmanova dərsin keçirilməsi, qrup işinin təşkili, şagirdlərin vaxtdan səmərəli istifadə etməsindən razı qaldığını bildirdi, həmçinin bəzi iradlarını qeyd etdi.
