"20 Yanvar-tariximizin qan yaddaşıdır" adlı inşa yazı müsabiqəsi
Məktəbimizdə 20 Yanvar faciəsi ilə bağlı müxtəlif tədbirlər, inşa yazı müsabiqələri, rəsm sərgiləri keçirilir, Şəhidlər Xiyabanınına ziyarət təşkil olunur.
Yanvarın 17-də VIII siniflərdə "20 Yanvar-tariximizin qan yaddaşıdir" mövzusunda inşa yazı müsabiqəsi keçirildi. Müsabiqənin keçirilməsində məqsəd şagirdlərimizin vətənpərvərlik ruhunun, Vətən sevgisinin, Vətəni qorumaq bacarığının nə qədər yüksək olduğunu göstərmək idi. Onların ürək ağrısı ilə yazdığı esselərdə işlətdiyi "Şəhidlər ölməzdir, ölməzi ağlamazlar" kimi ifadələr bu faciənin körpə qəlblərində nə qədər əks-səda verdiyinin göstəricisi idi.
Öncədən tapşırıq verilmədən keçirilən bu inşa müsabiqəsi bir daha sübut etdi ki, biz şəhidlərimizi, qəhrəmanlarımızı daima ehtiramla yad edən, xalqımıza qarşı törədilən faciələri, soyqrımları unutmayan və hər zaman Vətən uğrunda canından keçməyə hazır olan bir millətin övladlarıyıq.
