Xüsusi riyaziyyat sinfinin açılması ilə əlaqədar olaraq valideynlərlə görüş
24.09.2018-ci il tarixində məktəbimizdə yeni formalaşdırılan Xüsusi riyaziyyat təmayüllü sinfin şagirdləri və valideynləri ilə görüş keçirildi. İclasda məktəbimizin direktoru Məmmədova Yaqut , kurasiya üzrə təlim – tərbiyə işləri üzrə müavin Məmmədova Ülviyyə və yeni formalaşan sinif rəhbəri Abazova Mehriban iştirak etmişdir.
Məktəbin direktoru bu sinfin təşkil olunmasında məqsədin bu sahə üzrə xüsusi istedadı ilə seçilən şagirdlərin elmi potensiallarının inkişaf etdirmək onları müvafiq istiqamətlər üzrə daha yaxşı hazırlaşmasının təmin edilməsi olduğunu açıqladı.
Eyni zamanda 2018-2019 – cu tədris ilində təşkil olunacaq siniflərin heyəti 03.06.2018 – ci il tarixdə təşkil olunub keçirilən məktəblilərarası fənn müsabiqələrinin birinci mərhələsinin nəticələrinə əsasən müəyyən olunduğu vurğulandı . Həmin siniflərdə ayrı-ayrı fənləri diaqnostik qiymətləndirmədə yüksək nəticə göstərən müəllimlərin tədris edəcəyi söylənildi .
Sinif komplekləşdirilməsi ilə bağlı valideynləri maraqlandıran suallara cavab verildi və gələcək dərslərində şagirdlərə uğurlar arzulandı.
