"Məktəbdə valideynin bir günü"nə hazırlıq
Dekabrın 5 - də məktəbdə Bakı Şəhər Təhsil İdarəsinin 26.11.2019- cu il tarixli -T 448 nömrəli əmrinə əsasən keçiriləcək "Məktəbdə valideynin bir günü"nə hazırlıq məqsədilə direktoryani müşavirə aparılmışdır.
Müşavirədə məktəbin direktoru Yaqut Məmmədova, təlim-tərbiyə işləri üzrə direktor müavinləri, psixoloq, kitabxanaçı, sayt üzrə məsul şəxs və fənn metodbirləşmələri iştirak etmişdilər.
Təhsil siyasətinin həyata keçirilmısində valideynlərin aktiv iştirakının təmin olunması , qeyri - formal mühitdə məktəbin inzibati , pedaqoji heyəti və texniki işçi kollektivi ilə səmərəli ünsiyyət platformasının yaradılması məqsədilə keçiriləcək " Valideynin məktəbdə bir günü" adlı layihə ilə bağlı məktəbin direktoru Yaqut Məmmədova çıxış edərək əmrlə müşavirə iştirakçılarını tanış etdi. Qərara alındı ki, layihə çərçivəsindəki tədbir 17 dekabr 2019- cu il tarixdə təsdiq edilmiş proqrama uyğun keçirilsin.
Tədbirin keçirilmə şərtləri və qaydaları ilə bağlı təkliflər dinlənilmiş, təşkilat komitəsi yaradılmış və vəzifə bölgüsü aparılmışdır.
Valideynlərin məktəblə qarşılıqlı fəaliyyət göstərməsi , onların təhsilin inkişafındakı rolu , valideyn- müəllim münasibətlərinin səmərəli təşkili, məktəbin kitabxana işçilərinin fəaliyyət istiqamətləri və şagirdlərin mütaliə vərdişlərinin təkmilləşdirilməsi məsələlərinə xüsusi diqqət yetirilmişdir.
Sonda tədbirin yüksək səviyyədə keçirilməsinin vacibliyi vurğulanmışdır.
