“Gənclərin peşəyönümünün düzgün təşkili”
Sabunçu rayon məşğulluq idarəsinin aktiv sektor üzrə baş məsləhətçisi Nağızadə Ramin Sərdar oğlu Təhsil Nazirliyi məktəb-lisey kompleksinin psixoloqu Səfərova Aygün xanım məktəbimizdə “Gənclərin peşəyönümünün düzgün təşkili” mövzunda tədbir keçirdi. Tədbirdə məktəbin rəhbərliyi, məktəb psixoloqları, müəllimlər, 8-10-cu sinif şagirdləri iştirak etmişlər. Aygün xanım mövzunun aktuallığını nəzərə çatdırmış,əmək bazarına daxil olmağa hazırlaşan gənclərin peşə və ixtisaslar üzrə düzgün istiqamətləndirilməsinin əhəmiyyətini vurğulamışdır. Təqdim olunan slaydlar, videorolik onların böyük marağına səbəb olmuşdur. Yuxarı sinif şagirdlərinin meyl və maraqları, gələcək seçimləri barədə fikirləri dinlənilmiş,onlarla peşə seçimi ilə bağlı geniş və maraqlı diskussiyalar aparılmışdır.
